Ǵasyrlyq tarıhy bar ıAvlenka stansasy Dúnıejúzilik meteorologııa uıymynyń tizimine endi
«Qazgıdromet» RMK SQO fılıalynyń málimetinshe, kópjyldyq meteorologııalyq baqylaýlar - qazirgi jáne bolashaq urpaqtardyń uzaqmerzimdi, joǵary sapaly klımattyq jazbalardaǵy qajettilikterine qyzmet etetin adamzattyń taptyrmas mádenı jáne ǵylymı murasynyń bir bóligi.
Byltyr «Qazgıdromet» RMK óziniń ǵasyrlyq mereıtoıyn atap ótti, biraq elimizdiń aýmaǵynda aýa raıyn úzdiksiz jáne sapaly baqylaý áldeqaıda erte bastalǵan.
2017 jáne 2020 jyldar aralyǵynda Dúnıejúzilik meteorologııalyq uıymnyń Atqarýshy keńesi ǵasyrlyq tarıhy bar baqylaý stantsııalarynyń dúnıejúzilik tizimine Qazaqstannyń 14 meteostansasyn engizdi, olar - «Aqkól», «Aral teńizi», «Atbasar», «Yrgyz», «Qazaly», «Mıhaılovka», «Túrkistan», «Fort-Shevchenko», «Merke», «Kókshetaý», «Aqtóbe», «Torǵaı», «Semııarka» jáne «Jarkent».
Biraq Qazaqstanda 100 jyldan astam ýaqyt jumys istep kele jatqan 35 shaqty meteorologııalyq stansa bar.
«2023 jyldyń mamyr aıynda Dúnıejúzilik meteorologııalyq uıym bul tizimge Qazaqstannyń taǵy 7 meteostansasyn jáne gıdropostyn engizdi, olar - «T.Rysqulov aýyly», «Esik», «Pavlodar», «Taraz», «ıAvlenka», «Fort-Shevchenko» jáne «Kóshim» gıdroposty. Qazaqstannyń barlyq meteostansalary kezeń-kezeńimen qosylady», - deıdi oblystyq fılıaldyń dırektory Qymbat Merǵalımova.
Tizimge bıyl qosylǵan «ıAvlenka» meteostansasy 1902 jyly ashylǵan. Ol SQO Esil aýdany Pokrovka aýylynda ornalasqan.
«1933 jylǵa deıin meteostansa «Petropavl aýylsharýashylyq tehnıkýmy» dep ataldy, al 1933 jyldan bastap ataýy «ıAvlenka» dep ózgertildi.Stansadaǵy fenologııalyq baqylaýlar 1937 jyldan bastap júrgizile bastady, al 1938 jyly topyraq ylǵaldylyǵyn aspaptyq ólsheý bastaldy», - deıdi Qymbaı Merǵalımova.
Búgingi tańda meteorologııalyq alań Pokrovka aýylynyń ońtústik-batys shetinde ornalasqan. Stantsııada búginde 5 adam eńbek etedi.
