Ǵasyrlyq tarıhy bar Quran «Áziret Sultan» meshitine syılandy
ASTANA. 3 tamyz. QazAqparat - Jaqynda «Áziret Sultan» meshitinde aıtýly oqıǵa boldy. Ózbekstannan oralǵan qandasymyz Ýbaıdýlla Bekdýllaev ákesiniń ósıeti boıynsha atasy Álishbek Dosanulyna tıesili qasıetti Quran kitabyn meshitimizge syıǵa tartty.
Bul týraly atalǵan meshittiń www.muslim.kz resmı saıty jazady.
Qasıetti Qurandy syılaı otyryp, meshittiń bas ımamy Qaırat Joldybaıuylymen áńgimelesý barysynda Ýbaıdýlla Bekdýllaev: «Arǵy atam Dosan qazaqtyń Balqy rýynyń bıi bolǵan adam. Olar úsh júz jyl buryn «Aqtaban shubyryndy» asharshylyǵy kezinde Buqar oblysyna qonys aýdarǵan eken», - dep atap ótti.
Ǵasyrlyq tarıhy bar Quran 1917 jyly Qazandaǵy «Karıma» baspahanasynan shyqqan kórinedi.
