Ǵasyr jasaǵan qart analar da daýys berdi
Saılaý ýchaskesine kele almaǵan daýys berýshiler úshin úı jaǵdaıynda tańdaý jasaý múmkindigi jasaldy. Olardyń biri Zarıa Ibragımova. Ájeı – 100 jasta.
Al 102 jastaǵy Orynsha Chımırova saılaýǵa bir kisideı qatysty. Ol Qarataý aýdanyndaǵy №138 mektepte ashylǵan №266 saılaý ýchaskesine baryp daýys berdi.
Aq batasyn bergen keıýana saılaýdyń keleshegimiz úshin mańyzdy ekenin jetkizdi.
«Táýelsiz elimizdiń bolashaǵy degende barlyǵymyz bir kisideı alańdaýmyz kerek. Osyndaı beıbit kúndi halqymyz kóp ańsady. Biz kóp qıynshylyq kórdik. Qazirgi jastar ondaı aýyr kúnderdi ótkermesin dep tilep otyramyn. Sol úshin Táýelsizdikti baǵalaýymyz kerek. Meniń jasym júzden asyp ketse de, saılaý sekildi mańyzdy oqıǵalardan tys qalǵan emespin. Saılaýǵa ár azamattyń barýy mindetti. Saılaýda elimizdiń bolashaǵy sheshiletin kún. Oǵan beı-jaı qaramaǵan jón. Elimiz aman, jurtymyz tynysh, ár otbasyna bereke-birlik tileımin», — dedi qart ana.
Aıta keteıik, Orynsha Tólegenqyzy 1920 jyly Ózbekstan Respýblıkasynda dúnıege kelgen. 4 ul men 1 qyz ósirgen. Búginde tyl eńbekkeriniń 25 nemeresi, 35 shóberesi bar.
