Ǵasyr jasaǵan áje mańǵystaýlyqtardy alǵys aıtý kúnimen quttyqtady
1922 jyly ómirge kelgen Qanash Jarylǵasova búginde alty ul men úsh qyzynan 155 nemere men shóbere, úsh shópshek súıip otyr. Merekege oraı quttyqtap barǵan Mańǵystaý oblysy ákiminiń orynbasary Ulyqbek Tnalıev jáne Qazaqstan halqy Assambleıasynyń ókili jáne oblystyq úkimettik emes uıym múshelerine alǵysyn bildirdi.
«Búgin meni quttyqtap kelgenderińizge alǵys aıtamyn. Sizderge de meniń jasymdy bersin. Elimizde árdaıym tynyshtyq pen bereke bolsyn!, - dep batasyn berdi Qanash Jarylǵasova.
Qanash Jarylǵasova jasy 100-den asqanyna qaramastan áli de tyń. Uzaq ómirdiń syry aq júrek pen adal peıilde, durys júrip, durys oılaýda, tabıǵı taza ónimderdi kóp tutynýda ekenin aıtady. Jary Ystybaı Jarylǵasov Uly Otan soǵysynyń ardageri bolǵan. Al ózi tylda eńbek etken.
«Bul ómirde jaqsylyq ta, jamandyq ta ózińe, bolmasa urpaqtaryńa qaıtady deıtin ákemiz. Búgingi japyraǵy jaıylǵan áýlet bolýymyz ata-anamyzdyń basqalarǵa jasaǵan jaqsylyǵynan dep oılaımyn», - deıdi Qamash Jarylǵasovanyń qyzy Mańdaıly Jarylǵas.
