Ǵasyr jasaǵan analarǵa qurmet kórsetildi - Qyzylorda

QYZYLORDA. QazAqparat - Búgin Qyzylorda qalasy ákiminiń orynbasary Aıdyn Qaırýllaev 1 naýryz - «Alǵys aıtý» kúni jáne kóktemniń shýaqty da shuǵylaly merekesi 8 naýryz - Halyqaralyq áıelder kúni merekesi qarsańynda jasy 100-den asqan qala turǵyndary Rabıǵa Qoıanbaeva, Názıra Aımaǵambetova men Malıka Anapııaeva ájelerdiń otbasynda bolyp, ǵasyr jasaǵan analardy merekelerimen quttyqtady. Bul týraly qalalyq ákimdiktiń baspasóz qyzmeti habarlady.

Qart analarymyzǵa qala ákiminiń arnaıy quttyqtaý haty men syılyqtaryn tabystap, ıyqtaryna qamzol  jaýyp, eki ǵasyrdyń kýási atanǵan altyn qursaqty analarǵa qurmet kórsetti.

Búginde jasy 104-ke kelgen Rabıǵa ájeıdiń 5 balasy, 7 nemeresi, 9 shóberesi bolsa, jasy 100-ge kelgen Malıka ájeıdiń 9 balasy,      20 nemeresi, 8 shóberesi, al Názıra ájeıdiń 3 balasynan taraǵan 10 nemeresi, 15 shóberesi, 1 shópshegi bar.

Óz kezeginde, ǵasyr jasaǵan ájeler urpaǵynyń kórsetip jatqan qurmetine alǵysyn bildirip, aq  batalaryn berdi.