Ǵasyr sońynda Jerdegi janýarlardyń jartysynyń kózi joıylady
ASTANA. QazAqparat - Qazirgi janýarlardyń jartysy XXI ǵasyrdyń sońyna deıin joıylady. Osyndaı boljamdy Vatıkanda ótken sırek kezdesetin janýarlardy saqtap qalý sharalaryn talqylaýǵa arnalǵan konferentsııada álemdegi jetekshi bıologtar jasady, dep jazady sheteldik BAQ-tar.
Mamandardyń deregi boıynsha qazirgi tańda bes túrli janýardyń bir túri joıylý ústinde tur.
Ǵalymdar eskertkendeı, osyndaı qaýip zamanaýı tehnogendi órkenıettiń saldarynan oryn alǵan. Ol tek jer resýrstaryn paıdalanyp, ornyna eshqandaı paıda ákelmesten ekojúıeni joıýda.
Mysal retinde olar qoryqtar ornalasqan jerlerdegi sırek metaldardy óndirýdi, marjan rıfterin joıýdy, brakonerlerdi atap ótti.
Konferentsııadaǵy basty baıandamashy retinde Stendford ýnıversıtetiniń bıology Pol Erlıh málimdeme jasady. Onyń boljamynsha, eger jaǵdaıdy baqylaýǵa almasa, ǵasyr sońynda Jerdegi halyq sany 12 mıllıard adamǵa jetkende barlyq órkenıet qurdymǵa ketedi.
«Vatıkan konferentsııa ótkizýdi óz moınyna aldy, demek bul degenimiz - Jerdi saqtap qalý máselesinde din men ǵylym arasyndaǵy alaýyzdyq joıyldy degen sóz», - dep atap ótti is-sharanyń uıymdastyrýshysy ekonomıst Ser Part.
