Ǵasyr sońyna qaraı adamzat kesirinen álemdik muhıttar ekologııasyna keletin zııan jylyna 2 trln. dollardy quraıdy
ASTANA. 3 sáýir. QazAqparat - Ǵasyr sońyna qaraı adamzat kesirinen álemdik muhıttar ekologııasyna keletin zııan jylyna 2 trln. dollardy quraıdy, dep habarlaıdy ITAR-TASS.
Mundaı boljam Kolýmbııanyń Brıtan ýnıversıtetiniń halyqaralyq balyq sharýashylyǵy problemalary jónindegi mamany Rashıd Sýmalıanyń qatysýymen ázirlengen 300 bettik «Muhıttardy baǵalaý» baıandamasynda keltirilgen.
Bul álemdik muhıttarǵa hımııalyq tyńaıtqyshtardyń, kómirqyshqyl gazy shyǵaryndylarynyń jáne balyqty shekten tys aýlaýdyń, ıaǵnı adamnyń is-áreketiniń saldarynan týyndaıtyn zııandy alǵashqy ekonomıkalyq baǵalaý bolyp tabylady.
Egerde Álemdik muhıttardyń ekologııasyn qorǵaý baǵytynda eshqandaı shara qoldanylmaıtyn bolsa, onda baıandama avtorlarynyń esebine sáıkes 2100 jylǵa qaraı jahandyq ekonomıkanyń shyǵyny jylyna 1,979 trln. dollardy quraıdy.
