«Gastroler» Astanadaǵy sheteldikterdi tonady
ASTANA. QazAqparat - Astanada BAÁ jáne Brazılııa azamattaryn tonaǵan -«gastroler» urylar tutqyndaldy, dep habarlaıdy «QazAqparat» HAA tilshisi elordalyq ІІD baspasóz qyzmetine silteme jasap.
«Aǵymdaǵy jyldyń 26 naýryz kúni jedel-izdestirý is-sharalary barysynda buryn sottalǵan 28 jastaǵy Shyǵys Qazaqstan oblysynyń azamaty ustaldy. Ol elordadaǵy saýda-oıyn saýyq ortalyqtarynyń birindegi kofehanada BAÁ jáne Brazılııa azamattarynyń uıaly telefondaryn urlaǵan», - dedi polıtsııada.
Tergeý barysynda kúdikti óz kinásin moıyndaǵan. Bul fakt sotqa deıingi tergeýdiń biregeı reestrinde QR QK 188-baby («urlyq jasaý») boıynsha tirkeldi. Zattaı derekter alyndy. Telefondar ıelerine qaıtaryldy.
Kúdikti Astana qalalyq ІІD ýaqytsha ustaý oqshaýlaǵyshyna qamaldy. Qazirgi tańda polıtsııa qyzmetkerleri onyń qala aýmaǵynda buryn bolǵan basqa da osy sekildi qylmystarǵa qatysynyń bar-joǵyn anyqtaýda.
