Gastarbaıterler otyrǵan tranzıttik avtobýstar jolaýshylardy shamadan artyq mingizip alǵan
ASTANA. 17 tamyz. QazAqparat - 16 tamyz kúni saǵat 20:15-te «Soqyr» beketinde jol polıtsııasynyń qyzmetkerleri eki tranzıttik avtobýsty toqtatty.
Bul týraly Qaraǵandy oblystyq ІІD-niń baspasóz qyzmetinen habarlaıdy.
Ońtústik Qazaqstan oblysynda tirkelgen «Mersedes» avtobýsy Máskeýden Ózbekstan Respýblıkasyna bara jatty. Onyń júrgizýshisi - Qyrǵyz Respýblıkasyndaǵy Osh qalasynyń turǵyny. Tekseris kezinde onyń jolaýshylardy avtobýsty shyǵarǵan zaýyt belgilegen otyrý oryndarynan shamadan asyryp tasymaldaǵany anyqtaldy. 47 orynda 100 jolaýshy otyrdy, ıaǵnı 53 adamǵa kóp boldy. «Mersedes» avtobýsynyń júrgizýshisine qatysty jolaýshylardy tasymaldaý erejelerin buzǵany úshin ákimshilik hattama jasaldy. Artyq jolaýshylar avtobýstan túsirilip, basqa avtobýstarmen jiberildi. Atalǵan kólik quralyn jol polıtsııasynyń ekıpajy Jambyl oblysynyń shekarasyna deıin shyǵaryp saldy.
Qaraǵandy oblysynyń aýmaǵyna shyǵý kezinde bul kúni osy «Mersedes» avtobýsyn jol polıtsııasynyń qyzmetkerleri toqtatqan bolatyn. Artyq jolaýshylar Osakarovka kentinde túsirildi. Avtobýstyń júrgizýshisine qatysty ákimshilik hattama toltyryldy.
Qyrǵyzstannyń memlekettik nómirleri bar «Setra» avtobýsy Sýrgýt qalasynan Bishkekke jol júrip bara jatqan bolatyn. Avtobýstyń salonynda júrgizýshi jolaýshylardan basqa kóp júkti tasymaldaǵan. Bul rette júktiń avtobýs salonynyń jartysynan kóp jerin alǵanyn aıta ketý kerek. Oǵan qosa avtobýs zańsyz qaıta jabdyqtalǵan, onyń aldyńǵy bóliginde jatatyn oryndar boldy. Avtobýstyń júrgizýshisine qatysty QR Ákimshilik quqyq buzýshylyqtar týraly kodeksiniń 463 babymen hattama toltyryldy.
