Gassıev Ýsıkpen ótetin kezdesýge Golovkınmen birge daıyndalady
ASTANA. QazAqparat - Orta salmaqta WBA (Super), IBO, WBC jáne IBF tujyrymdary boıynsha álem chempıony Gennadıı Golovkınniń (37-0-1, 33 KO) bapkeri Abel Sanches reseılik Mýrat Gassıev Búkilálemdik boks sýperserııasynyń (WBSS) fınalynda Aleksandr Ýsıkpen ótetin jekpe-jekke qazaqstandyq boksshymen birge daıyndalatynyn aıtty. Bul týraly ESNEWS basylymy jazyp otyr.
Bapkerdiń aıtýynsha, Gassıevtiń jattyǵý jumystary burynǵysha, kóp ózgerissiz ótedi eken. Olar Kalıfornııadaǵy "Big Bear" jattyǵý zalynda daıyndalady. Dál osy zalda Golovkın de daıyndyq jumystaryn ótkizedi.
Aıta keteıik, birinshi aýyr salmaqtaǵy Búkilálemdik boks sýperserııasynyń (WBSS) fınaldyq kezdesýi 11 mamyr kúni Saýd Arabııasynda ótedi. Al Golovkın bolsa óziniń kelesi kezdesýin 5 mamyr kúni meksıkalyq Saýl "Kanelo" Alvareske qarsy ótkizedi.
