Ǵasyrdyń eń uzaq kún tutylýy bolady

ASTANA.KAZINFORM — 2027 jylǵy 2 tamyzda XXI ǵasyrdaǵy eń uzaq tolyq kún tutylýy kútiledi. Tolyq qarańǵylyq fazasy qa sozylady. Bul 1991 jyldan bergi rekord bolmaq.

The Daily Galaxy derekterine sáıkes, eń qolaıly baqylaý orny — Mysyrdyń Lýksor qalasy. Munda tutylý túske týra kelip, kóne hramdar men Patshalar alqabynyń ústinen ótedi.

Ǵalymdardyń aıtýynsha, bul sımvoldyq mánge ıe, sebebi ejelgi mysyrlyq abyzdar da kún tutylýlaryn hram qabyrǵalaryna túsirip otyrǵan.

Astronomdar Lıvııa men Batys Mysyr aımaqtarynda tamyz aıynda aýa raıy ashyq bolatynyn, bul jerde sońǵy ondaǵan jylda kún tutylýy kezinde bultty kún tirkelmegenin atap ótti. Aıdyń kóleńke joly 15 myń shaqyrymnan astam qashyqtyqty qamtıdy. Atlant muhıtynan bastap Ispanııa, Soltústik Afrıka men Taıaý Shyǵys arqyly Iemen men Shyǵys Afrıkaǵa deıin sozylady. Ońtústik Ispanııada qarańǵylyq shamamen úsh mınýtqa, al Frantsııada kún tutylýy tek jartylaı baıqalady.

Aldaǵy astronomııalyq qubylys týrıster men ǵalymdar arasynda úlken qyzyǵýshylyq týdyryp otyr. Lýksordaǵy qonaqúılerdiń kóbi qazirdiń ózinde tolyp qalǵan. NASA jáne Eýropanyń jetekshi ýnıversıtetteri tutylýdy baqylaý mıssııalaryn uıymdastyryp, búkil álemge tikeleı translıatsııa jasaýdy josparlap otyr.

Aıta keteıik, NASA 2035 jylǵa qaraı Aıda adamdar tura alatyn aýyl salýdy josparlap otyr.