Gashıshtiń iri partııasyn kóligine salǵan turǵyn elordaǵa kire beriste ustaldy
Jedel-izdestirý is-sharalaryn júrgizý barysynda arnaıy operatsııa júrgizildi. Nátıjesinde Jambyl oblysynan esirtki satýshy ustaldy. Astana – Qaraǵandy tas jolynda Metro saýda ortalyǵynyń janynda Mercedes-Benz avtokóliginiń júrgizýshisi patrýldik polıtsııa polki qyzmetkerleriniń zańdy talaptaryna baǵynbaı, jasyrynýǵa tyrysqan.
Ustaý barysynda júrgizýshi men jolaýshy polıtsııaǵa qarsylyq kórsetken. Polıtseıler avtokóliktiń salonyn tintý kezinde gashısh tapty. Avtokóliktiń artqy oryndyǵynan jalpy salmaǵy 5 kelige jýyq esirtki zaty bar bes polıetılen paket tárkilendi. Avtokóliktiń salonynda, buryn asa iri mólsherde esirtki tasymaldaǵany úshin sottalǵan, Jambyl oblysynyń 31 jastaǵy turǵyny bolǵan. Jedel is-sharalardy jalǵastyrý barysynda polıtseıler turǵyn úıdi tintý kezinde jalpy salmaǵy 12 keliden asatyn esirtki zaty salynǵan 13 uqsas paketti tapty.
Tárkilengen esirtkiniń jalpy salmaǵy – 17 keli 258 gramm gashısh. Atalǵan derek QR QK-niń 296-baby (Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý) boıynsha sotqa deıingi tergeý amaldary júrgizilip jatyr. Esirtki zatyn tasymaldaýǵa qatysy bar Jambyl oblysynyń turǵyny PD ýaqytsha ustaý ızolıatoryna qamaldy.
