Ǵaryshtyq týrızm: Birinshi synaq apparaty ushyryldy

NUR-SULTAN. QazAqparat – «Virgin Galactic» kompanııasynyń «Unity» raketoplany úsh negizgi synaq ushyrylymynyń birinshisin jasady. Olardan keıin, eger bári jospar boıynsha júrse, Virgin-di basqaratyn brıtandyq kásipker Rıchard Brenson kommertsııalyq reısterdi bastaýy múmkin, dep habarlaıdy QazAqparat VVS-ge silteme jasap.

Unity-di eki ǵaryshkeri – NASA-nyń burynǵy astronavty Sı Djeı Sterkoý jáne Galactic-tiń aǵa synaqshy-ushqyshy Deıv Makkeı ushyrdy. Olardyń basshylyǵymen ushý apparaty 89 km bıiktikke kóterile aldy, sodan keıin ol Jerge qaraı qalyqtap qondy. Jer atmosferasynyń ǵaryshpen shekarasy 100 km bıiktikte.

Qazirdiń ózinde aqshasy tólengen bıletteri bar 600-ge jýyq bolashaq jolaýshy ǵaryshpen onyń shekarasyna ushý kezegin kútýde. Olardyń arasynda tanymal akterler men mýzykanttar bar. Biraq olar bortqa kirmes buryn raketoplan barlyq qajetti lıtsenzııalardy alýy kerek. Bul osy jyldyń sońyna deıin bolýy tıis.

Lıtsenzııalaý protsesin AQSh federaldy azamattyq avıatsııa basqarmasy (FAA) júzege asyrady, oǵan senbide Nıý-Meksıko shóliniń ústinen ushý týraly tehnıkalyq málimetter jiberiledi.