Ǵaryshtyq monıtorıng nátıjesinde 686 myń sharshy shaqyrym esirtki alqaby anyqtaldy
Tsıfrlyq damý, ınnovatsııalar jáne aeroǵarysh ónerkásibi mınıstrliginiń Aeroǵarysh komıteti, «Qazaqstan Ǵarysh Sapary» ulttyq kompanııasy Іshki ister mınıstrligimen birlesip, «Qarasora» operatsııasy aıasynda ǵaryshtyq monıtorıng kómegimen esirtki planantatsııasyn anyqtaý jumystaryn júrgizip jatyr.
Jabaıy ósetin qarasoranyń ósý alańdary men quramynda esirtki zattary kóp kannabısti ósirý olardyń zańsyz aınalymyn tek el ishinde ǵana emes, odan tys jerde de kóbeıtedi. Osyǵan baılanysty, Tsıfrlyq damý, ınnovatsııalar jáne aeroǵarysh ónerkásibi mınıstrligi ǵaryshtyq monıtorıngtiń zamanaýı tehnologııalaryn qoldana otyryp, Іshki siter mınıstrligimen belsendi jumystar atqarýda.
«Quramynda esirtki bar ósimdikterdiń arealdaryn anyqtaýdyń tıimdi ádisteriniń biri - jerdi qashyqtan zondtaý, ony qoldaný tájirıbesin «Qazaqstan Ǵarysh Sapary» AQ mamandary zerdelep, kezeń-kezeńimen engizýde. 2022 jyly ǵaryshtyq monıtorıng nátıjesinde 686 000 sharshy shaqyrym aýmaq qamtylyp, onda kannabıs ósirýden zardap shekken ýchaskeler anyqtaldy. Ýchaskeler Túrkistan, Qaraǵandy, Aqtóbe, Jambyl jáne Qyzylorda oblystarynda ornalasqan», - dep atap ótti Aeroǵarysh komıtetiniń tóraǵasy Baýbek Oralmaǵambetov.
Aıta ketý kerek, 2019 jyly ǵaryshtyq monıtorıngtiń kómegimen Qyzylorda jáne Jambyl oblystarynda – 123, 2020 jyly – 94, al 2021 jyly tek Qyzylorda oblysynyń aýmaǵynda 77 esirtki egilgen alqaptar belgili bolǵan.