Ǵaryshtan ákelingen sakýra merziminen alty jyl buryn gúldedi
ASTANA. QazAqparat - Japonııada uzaq ýaqyt ǵaryshta bolǵan dánekten ósip-óngen sakýra merziminen alty jyl buryn gúldedi, dep habarlady sheteldik BAQ.
Segiz aı boıy Halyqaralyq ǵarysh stansasynyń bortynda bolǵan dánekten ósken tórtjyldyq japon shıesiniń kósheti atalǵan kezeńde Jer sharyn 4,1 myń márte aınalyp ótken bolatyn.
Osydan keıin shıe Gıfý prefektýrasyndaǵy býdda shirkeýi aýmaǵyna otyrǵyzylǵan. Al sáýirde bıiktigi shamamen tórt metrge jetken sakýra tosynnan gúl jardy. Ádette ol on jyl ýaqyttan keıin ǵana gúldeıtin edi.
«Buǵan deıin bul aǵashtyń dánegi óngen emes. Biz qatty qýanýdamyz. Óıtkeni, bul óte kári aǵash, oǵan shamamen 1250 jyl», -deıdi shirkeý dinı qyzmetshileriniń biri.
