Ǵaryshta qytaılyq qyryqqabattyń alǵashqy egini jınap alyndy
ASTANA. QazAqparat - Halyqaralyq ǵarysh stansysynyń (HǴS) ekıpajy ǵaryshta qytaılyq qyryqqabattyń alǵashqy eginin jınap aldy, dep habarlaıdy QazAqparat «RIA Novostı» agenttigine silteme jasap.
Bort-ınjener Peggı Ýıtson stansyǵa kelgennen keıin ózge jumystarmen qatar «baqshamen» de aınalysty. NASA-dan atap ótkendeı, ekıpajǵa ósimdikten dám tatýǵa beriledi, biraq jınalǵan eginniń basym deni zertteý júrgizýshi úshin Jerge jiberiletin bolady.
Qytaı qyryqqabatynyń Tokıo Bekana (Tokyo Bekana) tuqymy HǴS-qa ótken jyldyń sáýirinde jetkizildi. NASA-nyń habarlaýynsha, bul ǵaryshta jınalǵan túrli kókónistiń besinshi egini. Dándi-daqyldardy HǴS-qa jiberý kezinde ony shıki kúıinde jeý múmkindigi birinshi kezekte eskeriledi.
Bir jyl buryn NASA astronavty Skott Kellı HǴS bortynda alǵash ret astra-tsınııa gúli sheshek atqanyn aıtqan bolatyn.
