Ǵaryshkerler Qazaqstanǵa qonady dep kútilýde

ASTANA. QazAqparat - Búgin Rosavıatsııa avıatsııalyq izdeý jáne qutqarý qyzmeti Halyqaralyq ǵarysh stansasynda jumysyn aıaqtaıtyn halyqaralyq ekıpajdy kútip alady, dep habarlady «QazAqparat» HAA tilshisi.

«Apparat dúısenbi, 10 sáýirde jergilikti ýaqyt 17.21-de qonady dep kútilýde. Ekıpajdy Qaraǵandy áýejaıynda 21.00-den keıin kútip alady», - dep habarlady Rosavıatsııa avıatsııalyq izdeý jáne qutqarý qyzmeti Biryńǵaı júıesiniń Baıqońyr fılıalynyń bastyǵy Sergeı Semchenko.


Budan buryn habarlanǵandaı, «Soıýz-MS-02» basqarylatyn kapsýlasy ekıpajynyń qonýyn jerústi qutqarý qyzmetiniń 200-den astam mamandary qamtamasyz etedi.

Uzaq ǵarysh ekspedıtsııasynan keıin jerge Reseı ǵaryshkerleri keme komandıri Sergeı Ryjıkov, bortınjener Andreı Borısenko, sondaı-aq NASA astronavty Robert Sheın Kımbroý oralady.