«Ǵaryshkerler qazaq sorpasyn ishedi» - respýblıkalyq basylymdarǵa sholý

ASTANA. 11 sáýir. QazAqparat - Qazaq aqparat agenttigi respýblıkalyq basylymdarda 11 sáýir, sársenbi kúni shyqqan ózekti materıaldarǵa sholýdy usynady.

***

Beıjińde Prezıdent Nursultan Nazarbaevtyń Qazaqstan halqyna kezekti Joldaýyn talqylaýǵa arnalǵan dóńgelek ústel otyrysy ótti. Oǵan Qytaı jaǵynan memlekettik organdar, saraptamalyq jáne akademııalyq qurylymdar, isker toptar ókilderi, sondaı-aq Shanhaı yntymaqtastyq uıymy hatshylyǵynyń basshylyǵy qatysty. Óziniń sózinde Qazaqstan Res­pýblıkasynyń ýaqytsha se­nim­di ókili Qazbek Sársembekov bıylǵy Joldaýdyń aý­­qymy men elimizdi damytý tur­ǵysynan strategııalyq jos­pa­ry­nyń mańyzyn atap kór­set­ti. Ol, sonymen qatar, Prezıdent N.Nazarbaev belgilep bergen josparly mindetterdi oryn­daý nátıje­sinde Qazaqstan búginde damýdyń sara jolyna túskenine nazar aýdardy. «Álemdik qarjy daǵdary­synyń teris saldaryna qaramas­tan, 2011 jyly Qazaq­stan ІJÓ-si 7,5 paıyzǵa ósip, jan basyna shaqqandaǵy ІJÓ kólemi 11 myń dollardan asyp tústi», -dedi ol. 1994 jyly bul kórsetkish 700 dollar shamasynda ǵana bolatyn. Dóńgelek útel otyrysynda kóterilgen osy jáne ózge de máseleler «Egemen Qazaqstan» basylymynyń búgingi sanynda «Mańyzy joǵary qujat» degen taqyryppen jaryq kórdi.

12 sáýir - Qazaqstan ǵylym qyzmetkerleriniń kúni. Osyǵan qaraı «Egemen Qazaqstan» basylymy elimizdiń ǵylym salasynyń qalaı óristep kele jatqandyǵy jáne onda oryn alyp otyrǵan problemalar men olardyń sheshilý joldaryna qatysty jalpy ǵylym salasynyń bolashaǵy jóninde Bilim jáne ǵylym mınıstri Baqytjan Jumaǵulovpen bolǵan suhbatty jarııalapty. Suhbat «Ǵylymdy kógertetin, nátıjesin kóbeıtetin - báseke» atty taqyryppen basyldy.

***

«Aıqyn» basylymynyń jazýynsha, bıyl qazaq eli 15 mıllıon tonnadaı astyq jınaǵaly otyr. Aýyl sharýashylyǵy mınıstrliginiń boljamy osyndaı. Aıtqandaı, sarapshylar Aýyl sharýashylyǵy mınıstrliginiń astyqtyń kólemine qatysty ótken jylǵy boljamy da shyndyq aýylynan alys qonǵandyǵyn eske salady, aqyr sońynda bul el tarıhyndaǵy eń mol astyqtyń biraz ysyrap bolýyna, «úles» qosty: Memleket agrarshylardyń tuńǵysh ret jıyp bergen 30 mıllıon tonnadaı orasan aýqymdaǵy astyǵyn ne saqtaýǵa, ne tasymaldaýǵa daıyn bolmaı shyqty. Bul qatelik qaıtalansa, saladaǵy biraz bastar «domalary» anyq. Al jaǵdaı soǵan taıaý sııaqty: Úkimet basshylyǵyna elevatorlardyń byltyrǵy astyqtan áli bosamaǵandyǵy málim boldy. Bul másele jóninde «Aıqyn» basylymy «Jıyp jastyp astyqty, oılamaıyq qastyqty» atty maqalada jazdy.  

Osy basylymnyń búgingi sanynda «Ǵaryshkerler qazaq sorpasyn ishedi» degen taqyryppen maqala jarııalap, jaǵymdy jańalyqtan habardar etti. Basylymnyń málimdeýinshe, Qazaq taǵamtaný akademııasy azyq-túlik ónimderin bıotehnologııalyq júıemen daıyndaıtyn zerthananyń jetekshisi ıÝrıı Sınıavskıı ǵarysh keńistiginde iship-jeýge bolatyn taǵamdardyń túri belgilengenin habarlady. Endi ǵarysh máziri qataryna qazaqtyń qaınatpa sorpasy, dámdi palaýymen qatar, taǵamdyq talshyqtarmen baıytylǵan «Báıterek» jáne «Baıqońyr» degen ataýǵa ıe bolǵan qazaqtyń tátti kúlshesi,  keptirilgen jemis-jıdek arastyrylǵan súzbe-ıogýrtpen tolyqqan kórinedi. Bul týraly «Aıqyn» basylymynyń búgingi sanynda aıtyldy.

***

«Kazahstanskaıa pravda» basylymynyń jazýynsha, elimizde Ańshylar men ańshylyq sharýashylyǵy sýbektileriniń qoǵamdyq birlestikteri qurylady. Bul týraly keshe Aýyl sharýashylyǵy mınıstrliginde ótken brıfıngte málim boldy Aýyl sharýashylyǵy mınıstrliginiń Ańshylyq jáne orman sharýashylyǵy komıtetiniń tóraǵasy Erlan Nysanbaevtyń aıtýynsha, atalmysh qaýymdastyqty qurýdaǵy maqsat - memleket quzyryndaǵy birqatar sharalardy qoǵamdyq uıymdardyń quzyryna berý. ıAǵnı bolashaqta janýarlar áleminiń esebi men monıtorıngin júrgizý, ańshylyq bıletterin berý sııaqty ózge de birqatar jumystardy osy qoǵamdyq uıymdar atqaratyn bolady. Bul norma «Janýarlar álemin qorǵaý men qalpyna keltirý týraly» zańynyń jańa redaktsııasynda kórsetilgen. Bul másele basylymynyń búgingi sanynda «Ohotnıkı voıdýt v assotsıatsııý» atty taqyryppen basyldy.