Ǵaryshker Armstrongtyń Aıda paıdalanǵan 20-ǵa jýyq zaty tabyldy
ASTANA. QazAqparat - Nıl Armstrongtyń jesiri Kerol Armstrong Tsıntsınnatıde (Ogaıo shtaty) úıindegi shkaftan ǵaryshker "Apollon-11" ǵarysh kemesiniń ekıpajynda Aıǵa ushqanda paıdalanǵan 20-ǵa jýyq zat - kamera, apattyq kilt, shlemniń baýyn, arqan men karabın jáne ózge de artefakttardy taýyp aldy.
Bul týraly Bı-bı-sı habarlaıdy.
Olardyń qundylyǵy sol - áýeli Aıǵa alǵash aıaq basqan adam balasyna tıesili jáne Aıdan oralǵan zat bolǵandyǵynda.
Jańa zattardyń kollektsııasy qazir AQSh-ta Smıtsonov ınstıtýtynyń avıatsııa jáne kosmonavtıka Ulttyq murajaıyna qoıyldy.
Armstrong - 1969 jyly Aıda bolǵan alǵashqy adam. Astronavt 2012 jyly 82 jasynda qaza tapty.
