Ǵaryshqa joldama Afrıka aýylynan shyqqan azamatqa buıyrdy
ASTANA. QazAqparat - 25 jastaǵy ońtústikafrıkandyq Mandla Maseko ǵaryshqa joldama utyp aldy. «Aks Apollo» amerıkandyq ǵarysh agenttigi uıymdastyrǵan baıqaýǵa mıllıonnan astam adam qatysty.
Úmitkerler kúrdeli fızıkalyq jattyǵýlar jasap, ondaǵan testen ótken.
Jeńimpaz - Mandla Maseko Afrıkadaǵy aýyldardyń birinde dúnıege kelgen. Ol ınjener mamandyǵyna oqyǵan, alaıda qarjy muqtajdyǵynan kolledjdi tastap ketken. Sońǵy kezderi Pretorııadaǵy túngi klýbtardyń birinde dıdjeı retinde aqsha taýyp júrgen.
Endi bala kezgi armany oryndalatyn boldy: ol ǵaryshqa attanatyn birinshi qara násildi adam atanbaq. Mandla Maseko 2015 jyly ǵaryshqa attanady. «Men osy baıqaýǵa aýylymdaǵy jastarǵa kúsh berý úshin qatystym. Men Afrıkanyń barlyq jastaryn ózine jáne óziniń armanyna sený kerektigine kómektesemin degen senimdemin», - deıdi baıqaý jeńimpazy.
