Ǵaryshqa ushý bıletiniń quny 3,8 mln dollardan asty

NUR-SULTAN. QazAqparat – Bortynda mıllıarder Djeff Bezos bolatyn Blue Origin kompanııasynyń New Shepard ǵarysh kemesimen ushý bıletiniń quny ashyq aýktsıonda 3,8 mıllıon dollardan asty, dep habarlaıdy QazAqparat kompanııanyń saıtyna silteme jasap.

Amazon-nyń negizin qalaýshymen bir kemedegi oryn úshin aýktsıonǵa álemniń 143 elinen 6 myń úmitker qatysty.

Blue Origin aeroǵarysh kompanııasy 2020 jyldyń 20 shildesinde bolatyn New Shepard-tyń ekıpajben alǵashqy sýborbıtaldy saparyndaǵy oryn úshin ótinishterdi qabyldaıtynyn habarlady. Ótinishter qabyldaýdyń tikeleı translıatsııasy kompanııa saıtynda júrgizilýde.

Aýktsıonǵa qatysý úshin ótinishterdi qabyldaý 10 maýsym kúni 17.00-de (shyǵys-eýropalyq ýaqyt boıynsha) jabylady.

Aýktsıon jeńimpazy Bezos jáne onyń inisi Markpen Batys Tehastaǵy Blue Origin ǵarysh aılaǵynda úsh kúndik daıyndyqtan ótkennen keıin ǵaryshqa ushady.

Blue Origin uıymdastyryp otyrǵan bul sapar New Shepard ǵarysh kemesiniń bortynda adamdardyń alǵashqy ushýy bolatynyn atap ótý kerek.

New Shepard kemesi ishinde jolaýshylar bar kapsýlany orbıtaǵa shyǵarady. Ol jerde adamdar salmaqsyzdyq kúıinde 10 mınýt bolady, Jerden 104 kılometr bıiktiktegi kórinisti tamashalaıdy. Bir sapardyń uzaqtyǵy 40 mınýtqa sozylmaq.