Ǵaryshqa ushý bıletiniń quny 2,8 mln dollardan asty

NUR-SULTAN. QazAqparat – Djeff Bezostyń Blue Origin aeroǵarysh kompanııasynyń New Shepard ǵarysh kemesimen ǵaryshqa ushý bıletiniń quny ashyq aýktsıon kezinde 2,8 mıllıon dollardan asty, áli de kóterilýde, dep habarlaıdy QazAqparat Reuters agenttigine silteme jasap.

Blue Origin aeroǵarysh kompanııasy New Shepard kemesiniń ekıpajben alǵashqy sýborbıtalyq ushýyna oryn alýǵa ótinimderdi 2020 jyldyń 20 shildesinen bastap usynǵan. Stavkalardyń tikeleı kórsetilimi kompanııa saıtynda júrgiziledi. Nur-Sultan ýaqytymen saǵat 13:20-da eń joǵary stavka 2,8 mıllıon dollardy qurady.

Bastapqyda kompanııa jospary boıynsha bássaýda jabyq rejımde ótken. Oǵan 136 elden 5200 úmitker qatysty. Qorytyndy baǵanyń odan da joǵary bolatynyn ábden múmkin, sebebi ashyq aýktsıon 10 maýsymǵa deıin jalǵasady, al saýdanyń sońǵy bóligi 12 maýsymda ótedi.

Bássaýda jeńimpazy Blue Origin-nyń Batys Tehastaǵy ǵarysh aılaǵynda úshkúndik daıarlyqtan ótip, odan keıin ǵaryshqa ushady. Oǵan kompanııanyń bes qyzmetkeri qosylady.