Ǵarysh týrısi - ánshi Sara Braıtman 1 qyrkúıekte HǴS-qa ushyrylmaq (FOTO)

ASTANA. QazAqparat - ıÝ.A. Gagarın atyndaǵy ǵaryshkerlerdi daıyndaý ortalyǵynda (ǴDO) qys mezgilinde ormandy-batpaqty jerge apattyq jaǵdaıda qoný kezindegi ǵaryshkerdiń áreketteri boıynsha avtonomdy keshendi jattyǵý ótýde, dep habarlady Roskosmostyń baspasóz qyzmetinen.

2015 jyldyń 19 qańtary men 9 aqpany aralyǵynda ótetin jattyǵýǵa MKS-48/49 (Anatolıı Ivanıshın (Roskosmos), Takýıa Onıshı (DjAKSA), Ketlın Rýbıns (NASA) jáne MKS-49/50 (Sergeı Ryjıkov (Roskosmos), Andreı Borısenko (Roskosmos), Robert Kımbroý (NASA) ekıpajy, sonymen birge MKS-45/46 negizgi jáne qosymsha ekıpajyna kiretin Sara Braıtman men Satoshı Takamatsý qatysýda.

Osy aptada olar teorııalyq jáne praktıkalyq sabaqtardan qys mezgilinde ormandy-batpaqty jerge apattyq jaǵdaıda qoný kezinde qandaı áreket jasaý kerektigin úırenedi.

Osyǵan deıin habarlanǵandaı, 2015 jyly kúzde belgili brıtanııalyq ánshi Sara Braıtman Halyqaralyq ǵarysh stansasynyń bortynda 10 kún bolyp, álem boıynsha ǵaryshqa ushqan segizinshi týrıst atanbaq.

Ánshi HǴS-ǵa ushý úshin ǵarysh týrısi retinde arnaıy daıyndyqtan ótedi.

Reseılik ǵaryshker Sergeı Volkov, Eýropalyq ǵarysh agenttiginiń astronavty Andreas Mogensen jáne ánshi Sara Braıtmannan turatyn ekıpajy bar «Soıýz TMA-18M» kemesi 2015 jyldyń 1 qyrkúıeginde ushyrylady dep kózdelgen.