Ǵarysh tehnıkasy men tehnologııalaryn meńgergen alǵashqy túlekterge dıplom berilmek

Táýelsizdigimizge 20 jyl tolsa da ǵarysh salasynyń san qyryn meńgergen otandyq mamandarymyzben maqtana almaımyz. Óıtkeni elimizde kadr daıarlaý isi áli de bolsa jolǵa qoıylmaǵan. Atalmysh máseleden shyǵýdyń jolyn alǵash bolyp Lev Gýmılev atyndaǵy Eýrazııa ulttyq ýnıversıteti qolǵa alýda.

Beısenbi, 14 shilde kúni Lev Gýmılev atyndaǵy Eýrazııa ulttyq ýnıversıtetinde Ýkraınanyń jetekshi oqý orny Oles Gonchar atyndaǵy Dnep­ro­pet­rovs­k ulttyq ýnıversıtetimen birigip daıyndalǵan EUÝ-dyń 3 magıstranty men 2 bakalavr túlegine dıplom tabystalmaq.

Sharaǵa Ýkraınanyń Dnep­ro­pet­rovs­k ulttyq ýnıversıtetiniń bir top ǵalymdary Petrenko Aleksandr Nıkolaevıch, Mıtıkov ıÝrıı Alekseevıch, Býcharskıı Valerıı Leonıdovıch, Labýtkına Tatıana Vıktorovna, Sanın Anatolıı Fedorovıch qatyspaq.

2009 jyldyń naýryz aıynda Oles Gonchar atyndaǵy Dnep­ro­pet­rovs­k ulttyq ýnıversıtetimen ǵarysh salasynda birigip maman daıarlaý týraly kelisimge qol qoıǵannan keıin Lev Gýmılev atyndaǵy Eýrazııa ulttyq ýnıversıteti óz qarjysymen Ýkraınanyń atalmysh oqý ornyna stýdentterin oqýǵa jibere bastady. Búginde atalmysh áriptestik baılanys óz jemisin berýde. Bitirýshi túlekter arasynan ǵarysh salasyn tereń meńgergen túlekter iriktelip alynyp, jumysqa qabyldanbaq. Al qyrkúıek aıynda 18 stýdent ǵarysh salasy boıynsha Dnep­ro­pet­rovs­k ulttyq ýnıversıtetine joldama alyp, bilimin shyńdaıtyn bolady.

Lev Gýmılev atyndaǵy EUÝ-da Qazǵarysh basshysy T.Musabaevtyń qatysýymen ǵarysh salasyna qajetti «Tempýs» baǵdarlamasymen bekitilgen ǵaryshtyq apparattardy jobalaýshy zerthana jasaqtaldy. Sondaı-aq, maman daıarlaýǵa qatysty barlyq jaǵdaı jasalýda. Qyrkúıek aıynan bastap EUÝ-da «Ǵaryshtyq tehnıka jáne tehnologııalar» halyqaralyq kafedrasy jumysyn kafedra odan ári jandandyra túspek.

Atalmysh jumystyń barlyǵy da Elbasy N.Nazarbaevtyń eldi ındýstrııalandyrý týraly baǵdarlamasynda kózdelgen tapsyrmalar negizinde júzege asýda.