Ǵarysh salasyn damytýdyń qosymsha baǵdarlamasyn jasaý qajet emes – Sklıar

ASTANA. QazAqparat – Ǵarysh salasyn damytýdyń qosymsha baǵdarlamasyn jasaý qajet emes. Bul jaıynda Májilis depýtatynyń saýalyna QR Premer-Mınıstriniń birinshi orynbasary Roman Sklıardyń jaýabynda aıtylǵan, dep habarlaıdy QazAqparat tilshisi.

«Tsıfrlandyrý, ǵylym jáne ınnovatsııalar esebinen tehnologııalyq serpilis» ulttyq jobasyna (Úkimettiń 12.10.2021 jylǵy № 727 qaýlysy) sáıkes ǵarysh salasy eldiń ǵylymı-tehnıkalyq damýynyń basym baǵyttary retinde aıqyndalǵan. Tsıfrlyq damý, ınnovatsııalar jáne aeroǵarysh ónerkásibi mınıstrligi ǵarysh salasyn damytýdyń 2030 jylǵa deıingi tujyrymdamasyn ázirleýde. Ony Úkimet 2023 jylǵy 1 toqsanda bekitetin bolady»,- dedi birinshi vıtse-premer.

Sondaı-aq onyń aıtýynsha, vedomstvoaralyq jumys toby (UEM, ІІM, AShM, SІM, DSM, Qarjymıni, IIDM, TJM, EM, EGTRM, UQK) ǵarysh salasyndaǵy ulttyq múddelerdi qorǵaý josparyn bekitti. Onyń ishinde «Baıqońyr» keshenin damytý jáne Jerdi qashyqtyqtan zondtaý júıesiniń jumys isteýi jónindegi is-sharalardy kózdeıdi Ǵarysh salasyn damytý boıynsha odan ári jumys qoldanystaǵy jáne ázirlenip jatqan strategııalyq qujattar aıasynda júrgiziletinin eskere otyryp, qosymsha ulttyq baǵdarlamany bekitý merziminen buryn dep esepteımiz», - dedi Roman Sklıar.