Ǵarysh qyzmetin damytýǵa baǵyttalǵan zań jobasy birinshi oqylymda depýtattar talqysyna shyǵarylady
ASTANA. 14 maýsym. QazAqparat - «Ǵarysh qyzmeti týraly» zań jobasy birinshi oqylymda talqyǵa shyǵarylady.
Májilistiń Ekonomıkalyq reforma jáne óńirlik damý komıteti atalǵan zań jobasyn erteń ótetin Palatanyń jalpy otyrysynyń kún tártibine usynyp otyr.
Zań jobasy jóninde QR Ulttyq ǵarysh agenttigi tóraǵasynyń orynbasary Meıirbek Moldabekov baıandama jasaıtyny kózdelgen.
Zań jobasynda ǵarysh qyzmeti qaýipsizdigin qamtamasyz etý, atalǵan sala qyzmetin júzege asyrý kezindegi oqıǵalardy tekserý men onyń saldarlaryn joıý, ǵarysh qyzmetiniń áserine ushyraýy yqtımal óńirlerdegi eldi mekenderdiń qaýipsizdigin qamtamasyz etý jónindegi quqyqtyq normalardy bir júıege keltirý kózdelgen.
«Qazaqstan Respýblıkasynyń keıbir zańnamalyq aktilerine ǵarysh qyzmeti máseleleri boıynsha ózgerister men tolyqtyrýlar engizý týraly» ilespe zań jobasy elimizdiń birqatarzańnamalyq aktilerine, atap aıtqanda, Qylmystyq, Qylmystyq is júrgizý, Jer jáne Salyq kodeksterine, Ákimshilik quqyq buzýshylyq týraly kodekske, «Jer qatynastary týraly», «Jeke kásipkerlik týraly» jáne «Jyljymaıtyn múlikke quqyqtardy jáne onymen jasalatyn mámilelerdi memlekettik tirkeý týraly» zańdaryna ózgerister men tolyqtyrýlar engizýdi kózdeıdi.
Osy eki zań jobasy boıynsha qurylǵan jumys tobynyń jetekshisi Májilistiń Ekonomıkalyq reforma jáne óńirlik damý komıtetiniń hatshysy Murat Ábenov qosymsha baıandama jasaıdy.
