Ǵarysh ekologtary Baıqońyrdan «Proton-M» zymyrany ushyrylǵannan keıin jumysqa kiristi

NUR-SULTAN. QazAqparat – 2019 jyldyń 13 shildesinde Baıqońyr ǵarysh aılaǵynan «Proton-M» zymyran-tasyǵyshy ushyrylǵannan keıin, «Ǵarysh-Ekologııa» ǵylymı-zertteý ortalyǵy (ǴZI)» RMK ókildiginiń qyzmetkerleri jumysqa kiristi, dep habarlaıdy QazAqparat tilshisi.

«Ǵarysh-Ekologııa» ǴZI» RMK bas dırektory Jaılaýbaı Jubatovtyń habarlaýynsha, ushyrylym shtattyq rejimde ótken. Zymyran-tasyǵyshtyń alǵashqy satysy Qaraǵandy oblysy Ulytaý aýdanynda ornalasqan № 25,15 (ıÝ-24 aımaǵy) arnaıy aımaǵyna qonǵan. «Ǵarysh-Ekologııa» ǴZI» RMK Baıqońyr ókildiginiń mamandary Baıqońyr ǵarysh aılaǵynda zymyran-tasyǵyshqa otyn quıý kezinde atmosferalyq aýa men topyraqtan synama aldy.

«Ǵarysh-Ekologııa» ǴZI» RMK Jezqazǵan bóliminiń qyzmetkerleri reseılik áriptesterimen birlesip birinshi saty túsken orynda ekologııalyq zertteý jumystaryn júrgizýge kiristi. Barlyq ekologııalyq jumystar shtattyq rejimde júrip jatyr, dep atap ótti J.Jubatov.

«Proton-M» zymyran-tasyǵyshy 2019 jyldyń basynan beri ushyrylǵan ekinshi ǵarysh kemesi. Reseılik aýyr zymyran «Spektr-RG» ǵarysh observatorııasyn belgilengen orbıtaǵa alyp shyǵardy.

Avtor: Sara Qabıqyzy