Ǵarysh apparattaryn qurastyrý keshenine qosymsha 19 mlrd. teńge bólinedi
ASTANA. QazAqparat - Astanada Ǵarysh apparattaryn qurastyrý-synaq jasaý keshenine aldaǵy 2 jylda qosymsha 19 mlrd. teńge bólý qarastyrylǵan. Bul týraly búgin QR Parlamenti Májilisiniń depýtaty Gleb Şegelskıı málim etti.
«Keshen qazir salynýda. Onyń basymdyǵy sol, biz múldem jańa ǵarysh apparattaryn, jerserikterin qurastyrýshysy atanatyn bolamyz», - dedi ol.
Qazirgi ýaqytta synaq jasaý keshenine jerserikterdi montajdaýdy aıaqtaý maqsatynda belgııalyq, frantsııalyq jáne anglııalyq qural-jabdyqtar ákelindi.
«Bıýdjetti naqtylaý barysynda 2016 jyly qosymsha 2,6 mlrd teńge bólindi. 2017 jyly atalǵan baǵyttaǵy jumystardy jalǵastyrý úshin taǵy 16,3 mlrd teńge qajet», - dedi Şegelskıı.
Óz kezeginde «Qazaqstan Ǵarysh Sapary» ulttyq kompanııasynyń prezıdenti Marat Nurǵojın, ǵarysh apparattaryn qurastyratyn atalmysh kásiporyn búkil TMD-da balamasy joq biregeı joba ekendigin atap ótti. Onyń qurylysy eýropalyq standarttar negizinde júrgizilýde.
