Garvard ýnıversıtetine 35 jyl buryn urlanǵan 18 ǵasyrdyń zaty qaıtaryldy
ASTANA. 22 qańtar. QazAqparat - Amerıkanyń Garvard ýnıversıtetine seısenbi kúni 18 ǵasyrda shyǵarylǵan Qytaıdyń nefrıtti hosh ıisti tútin shyǵaratyn aspaby qaıtaryldy.
1942 jyly bıznesmen jáne kollektsııa jınaýshy Ernest Deın bul zatty Garvardtyń eski murajaıy - Kembrıdj qalasynda ornalasqan Fogganyń beıneleý óneri murajaıyna syıǵa tartqan. 1979 jyly mýzeı shaǵyn kórme uıymdastyrǵan kezde baǵaly óner týyndysy qoldy bolǵan.
Murajaı qyzmetkerleri polıtsııaǵa habar bergen, alaıda ol aspap úsh onjyldyqtan keıin baryp qana tabyldy. 2009 jyly belgisiz bireý ony Gonkongtaǵy «Sotbıs» bássaýda úıine ákelgen. Alaıda menshikti zaty ekenin dáleldeıtin eshqandaı qujattaryn kórsetpegen.
Bıiktigi 16,5 sm bolatyn hosh ıisti tútin shyǵaratyn qural sońǵy ımperator Tsın áýleti Qytaı elin basqarǵan 1644-1911 jyldar aralyǵynda daıyndalǵan.
