Garvard professory Lessıg AQSh prezıdenttigine saılaýǵa túsedi
ASTANA. QazAqparat - Amerıkandyq qoǵamdyq belsendi, Garvard ýnıversıtetiniń quqyq professory Loýrens Lessıg jeksenbi kúni óziniń Demokratııalyq partııadan AQSh prezıdenttigine saılaýaldy dodaǵa túsetinin jarııalady, sonymen qatar ol naýqandy ınternet arqyly jınalǵan 1 mıllon dollar qarjymen júrgizbek, Bul týraly ol ABC telarnasynyń efırinde aıtty, dep habarlady RIA Novostı.
Endi ol ýnıversıtetindegi qyzmetinen bosap, barlyq kúsh-jigerin saılaý aldyndaǵy kúreske jumyldyrmaq.
AQSh-ta prezıdenttik saılaý 2016 jylǵy qarashada ótedi. Qazirgi prezıdent Barak Obama bul qyzmette ekinshi merzimin atqarýda, ol úshinshi ret daýysqa túse almaıdy.
Lessıg «saıası júıeniń buzylýymen" kúres júrgizbek, onyń aıtýynsha, dáýletti jáne qýatty adamdar saılaý aldyndaǵy naýqandy qarjylandyryp, keıinnen budan eleýli paıda kórip otyr.
«Sondyqtan da qazirgi úkimet jumys istemeı otyrǵanyn túsinýimiz qajet», - dep atap ótti Lessıg.
Eger ol el prezıdenti bolyp saılansa, Lessıg saılaýshylardyń quqyqtaryn jaqsartý jáne qazirgi saıası júıeni ózgertý josparyn jasamaq.
Foto: Youtube
