Garvard pen Oksford shahmatshylary Almatydaǵy álem chempıonatyna qatysady
ASTANA. KAZINFORM – Almatyda 3-10 tamyz aralyǵynda FIDE World University Team Chess Championship stýdentter arasyndaǵy komandalyq álem chempıonatynyń fınaly ótedi, dep habarlaıdy Kazakh Tourism.
Álemdik deńgeıdegi jarysqa Amerıka, Eýropa, Afrıka jáne Azııa elderiniń úzdik ýnıversıtet komandalary qatysady. Іrikteý kezeńinen ótken quramalarmen qatar, arnaıy shaqyrtý alǵan bedeldi joǵary oqý oryndary da chempıon ataǵyna talasady.
Fınaldyq kezeńge Garvard, Oksford, Kembrıdj jáne Pekın ýnıversıtetteri wild card arqyly shaqyrtý aldy.
Sondaı-aq jarysqa Sent-Lýıs, Dallastaǵy Tehas, Vebster, Oral taý-ken, Afıny ulttyq tehnıkalyq, Chılı jáne Gýnadarma ýnıversıtetteriniń komandalary qatysady.
Qazaqstan namysyn eki joǵary oqý orny qorǵaıdy:
-
Ál-Farabı atyndaǵy Qazaq ulttyq ýnıversıteti;
-
Qazaq ulttyq sport ýnıversıteti.
Taǵy úsh wild card ıegeriniń esimi keıinirek jarııalanady.
Uıymdastyrýshylardyń aıtýynsha, mundaı deńgeıdegi halyqaralyq týrnırdi ótkizý Qazaqstandaǵy is-sharalyq jáne jastar týrızmin damytýǵa serpin beredi.
Jarysqa álemniń túkpir-túkpirinen shahmatshylar, professorlar men jankúıerler keledi dep kútilýde. Olar týrnır aıasynda Qazaqstannyń mádenıetimen, týrıstik múmkindikterimen jáne tabıǵatymen tanysa alady.
Aıta keteıik, 17 jastaǵy shahmatshy halyqaralyq grossmeıster atandy.
