Garvard kitaphanasynan muqabasy adam terisinen jasalǵan kitaptar tabyldy
ASTANA. QazAqparat - Garvard ýnıversıtetiniń kitaphanasynan erekshe kitaptar tabyldy. Olardy túpteý kezinde adamnyń naǵyz terisi qoldanylǵan. Mundaı qorqynyshty jańalyq kitaptardy kezekti ret sanaý barysynda anyqtalǵan. Kitaphanashylardyń nazaryn úsh kitap aýdarǵan. Olardyń úsheýi de adamnyń terisinen túptelgen.
Bul týraly Day.az jazady. Ol kitaptar tiziminde frantsýz fılosofııasyn oqytý, ıspan tilindegi orta ǵasyrlardaǵy zańnamalar eńbekteri jáne Rım poezııasynyń jınaǵy bar. Ǵalymdardyń boljamynsha, túpteýlerdi orta ǵasyrlarda keńinen qoldanylǵan máıitterdiń terisinen zertteýshi anatomdar jasaǵan. Mundaı tájirıbe kóbine anatomııa kitaptarynyń muqabasyn jasaý úshin qoldanylǵan. Oǵan adamdardyń terileri tirideı sypyrylǵan bolýy múmkin degen de boljam bar.
Qosymsha zertteý júrgizý barysynda, eki kitap qoı terisi de qaptalǵandyǵy, al úshinshisiniń tek adam terisinen jasalǵany anyqtalǵan. Garvard basshysy kitaptardy kitaphanada qaldyrýdy josparlap otyr. Osy kúni olarmen garvardtyq stýdentterdiń kóbi tanysqan. Ýnıversıtet kitaphanasy dırektorynyń aıtýynsha, osydan keıingi zertteý barysynda odan da soraqy nusqalar shyǵýy múmkin.
Kitaptardy saqtaý jáne sándik úshin túpteý tájirıbesiniń ózi bizdiń eramyzdyń І-ІІ ǵasyrlarynda damı bastaǵan.
