Garrı Potterdiń avtory jańa kitabynyń jelisin málim etti
ASTANA. 14 sáýir. QazAqparat - Áıgili balalar fentezıi Garrı Potterdiń avtory Djoan Roýlıngtiń jańa romany oıdan shyǵarylǵan aǵylshyndyq Pegvord qalasyndaǵy saılaý týraly bolmaq. Bul týraly Agence France-Presse habarlaıdy.
«Bos oryn» ("The Casual Vacancy") dep atalǵan 400 bettik romannyń negizgi jelisi mýnıtsıpalıtet basshysynyń kenet ólimimen bastalyp, odan ary sol orynǵa degen talas-tartyspen órbıdi.
Baspagerlerdiń aıtýynsha, Pegfordtaǵy ómir alǵashqyda kóringennen múldem basqasha bolyp shyǵatyn kórinedi. Bir qaraǵanda mini joq aǵylshyndyq kishkentaı qalanyń ishki ómiri qarama-qaıshylyqtarǵa, baı men kedeı, balalar men ata-analar, oqýshylar men muǵalimder arasyndaǵy bitispes qaqtyǵystarǵa toly.
Kitap 2012 jyldyń 27 qyrkúıeginde jaryqqa shyǵady dep kútilýde.
Roýlıngtiń eń birinshi kitby "Garrı Potter jáne fılosofııalyq tas" 1997 jyly jaryqqa shyqqan. Sońǵysy, ıaǵnı jetinshisi 2007 jyly oqyrmanǵa jol tartty. Barlyq kitaptar álemniń 74 tiline aýdarylyp, jalpy sany 450 mıllıon danamen taraǵan.
