«Garrı Potterdegi» zulym keıipker Qytaıdaǵy Jańa jyl sımvolyna qalaı aınaldy

ASTANA. KAZINFORM – Qytaıdaǵy Jylqy jyly qarsańynda «Garrı Potter» franshızasynyń antagonısi Drako Malfoı kútpegen tanymaldylyqqa ıe boldy, dep habarlaıdy Global Times. 

Bul erekshe qubylys Malfoı teginiń qytaısha translıteratsııasynan týyndady. Aspanasty eliniń turǵyndary úshin bul «Jylqy baılyq pen baqyt ákeledi» degen sózderge uqsas estiledi. Dástúrli Jańa jyl tilekterimen mundaı fonetıkalyq sáıkestik «taza qandy» sıqyrshyny molshylyqtyń tiri sımvolyna aınaldyrdy.

Qytaıdyń áleýmettik jelilerinde úılerdiń klassıkalyq qyzyl «chýnlıan» shıyrshyq qaǵazdarynyń ornyna Tom Feltonnyń portretterimen bezendirilgeni týraly beınejazbalar kóptep tarady. Jankúıerler de, qarapaıym tutynýshylar da taqyryptyq taýarlardy satyp alyp jatyr.

Marketologtar astrologııalyq sabaqtastyqty sheber paıdalandy. Drako óziniń Slızerın fakýltetiniń sımvoly Jylan jyly men kele jatqan Jylqy jyly arasyndaǵy tamasha kópirge aınaldy. Tutynýshylar kózimen keıipker qytaı kúntizbesiniń eki tsıklin baılanystyratyn biregeı «ótkizgishke» aınaldy.

Brıtandyq akter Tom Felton Qytaıda kenetten tanymal bolǵany týraly pikir bildirdi. Ol BBC materıaldary men jankúıerleriniń beınelerin Instagram Stories-te bólisti.

Búgin Qytaıda Dımashtyń halyqaralyq jobasynyń tusaýkeseri ótetinin jazdyq.