Garrı Potter týraly jańa serıal túsirilýi múmkin
LOS-ANDJELES. QazAqparat - Warner Bros. Discovery (WBD) Garrı Potter týraly tanymal serıaldy jańa akterlik qurammen qaıta túsirý múmkindigin qarastyryp jatyr. Bul týraly QazAqparat Euronews-ke silteme jasap habarlaıdy.
WBD qazir HBO Max úshin Dj.K.Roýlıng kitaptar serııasynyń jańa 7 maýsymdyq televızııalyq adaptatsııasyn jasaý týraly kelissóz júrgizip jatyr.
Serıaldyń ár maýsymy Roýlıngtiń Garrı Potter týraly jeti kitabynyń bireýine negizdeledi.
Kelissózder ázirge aldyn ala satyda. Roýlıngtiń jobaǵa qatysýǵa kelisim bergeni týraly eshqandaı jańalyq joq. «Serıal túpnusqaǵa sáıkes kelýi úshin» avtordyń qatysýy qajet.
