Garrı Potter týraly kitaptardyń avtory eresekter úshin roman jazbaq
ASTANA. 25 aqpan. QazAqparat - Garrı Potterdiń bastan keshkenderi jaıly oqıǵalar sýrettelgen kitaptardyń avtory brıtandyq Djoan Roýlıng eresek oqyrmandar úshin alǵashqy iri shyǵarmasyn jazýǵa kiristi, dep habarlady Ýtro.rý agenttigi.
Roýlıng jańa kitabyn jarııalaýǵa Hachette Book Group baspa úıi ókilderimen kelisim-shartqa otyrdy. Kelisim-shartqa sáıkes onyń ataýy jáne sıýjeti qatań túrde qupııa ustalmaq.
Jazýshynyń aıtýynsha, onyń jańa romany jasóspirim sıqyrshy týraly kitapqa «múldem qarama qarsy» bolmaq. «Men jańa kitaptyń jazylǵan árbir betinen lázzat alamyn, ol Garrı Potter týraly serııadan múldem ózgeshe», - dedi Roýlıng.
