Garrı Potter týraly fılmderde túsken akter Ólim ańǵary aýmaǵynda qaza tapty
ASTANA. QazAqparat - Brıtandyq akter Deıv Ledjenonyń óli denesi kalıfornııalyq Ólim ańǵary aýmaǵynda tabyldy. Bul týraly ITAR-TASS habarlady.
Kórermenderge "Garrı Potter jáne Prınts-Polýkrovka" (Harry Potter and the Half-Blood Prince) fılminen Fenrır Greıbek qasqyr adam rólimen belgili 50 jastaǵy akterdiń múrdesin týrıster Zabrıskı-poınt jerinen tapty. Ino polıtsııasynyń aqparatynsha, týrıster qutqarýshylardy shaqyrǵan. Qaza tapqan adamnyń kim ekenin bilý úshin óli dene tikushaqpen tasymaldandy.
"Saraptama nátıjesinde kóz jumǵan adam Ulybrıtanııanyń 50 jastaǵy azamaty Devıd Ledjeno bolyp shyqty, - delingen sherıf keńsesiniń habarlamasynda. - Tıisti saraptama júrgizgen soń ólim sebebi anyqtalady". Hollywood Reporter jornalynyń málimetinshe, akter jýyrda "Sońǵy rytsarlar" (The Last Knights) fılmine túsken.
