«Garrı Potter» serıalynyń jańa juldyzdary belgili boldy

ASTANA. KAZINFORM — HBO Max telearnasy óziniń jańa «Garrı Potter» teleserıalynyń basty keıipkerlerin somdaıtyn akterlerdi atady, dep habarlaıdy Kazinform tilshisi Nbc News-ke silteme jasap.

Sonymen Garrı Potterdi – Domınık Maklaflın, Germıona Greındjerdi – Arabella Stenton, al Ron Ýızlıdi – Alaster Staýt somdaıdy.

— Bul erekshe akterlerdiń talanty tańdaı qaqtyrady, biz olardyń ekrandaǵy sıqyryn búkil álem kóretin kúndi taǵatsyzdana kútemiz, — dedi atqarýshy prodıýserler Francheska Gardıner men Mark Maılod.

HBO Max-ta jaryq kóretin jańa teleshoý — «Garrı Potter» kitaptarynyń tolyq beıimdelgen nusqasy bolady. Alaıda, serıaldyń premera kúni áli jarııalanǵan joq. Kitaptardyń avtory Djoan Roýlıng te atqarýshy prodıýser retinde jobada atsalysady.

Buǵan deıin Ulybrıtanııada «Garrı Potterdiń» sırek kezdesetin alǵashqy basylymy qoqystan tabylǵany habarlanǵan bolatyn. Ol – alǵashqy 500 dananyń biri edi.