Garrı Keınniń qos goly Anglııany álem chempıonaty 1/8 fınalyna shyǵardy
ASTANA. KAZINFORM - Fýtboldan 2026 jylǵy álem chempıonaty 1/8 fınalyna shyqqan taǵy bir qurama anyqtaldy.
Dúbirli dodanyń pleı-off satysynda búginge belgilengen kezdesýdiń birinde Anglııa - Kongo Demokratııalyq Respýblıkasy kezdesti.
Oıyn barysynda alǵashqy mınýttan qos qurama shabýylǵa kóńil bóldi. Jyldam gol soǵýdy aldyna maqsat etken olar óz múmkindigin múlt jibermeýge tyrysty. Osyndaı sátterdiń birinde kongolyq Braıan Sıpenga 6-mınýtta óz múmkindigin múlt jibergen joq. Odan keıin tarazy basyn teńestirýge umtylǵan anglııalyq fýtbolshylar alǵa qaraı umtyldy. Oǵan afrıkalyq qurama laıyqty toıtarys berdi.
Ekinshi kezeńde Garrı Keın bastaǵan Anglııa quramasy oıyndy tolyqtaı óz baqylaýyna aldy. Dese de kóp jaǵdaıda kongolyq fýtbolshylar qorǵanys shebinde qatelikke boı aldyrǵan joq.
Oıynnyń 75-mınýtta anglııalyq shabýylshy Garrı Keın qarsylas qaqpasynan sańylaý taýyp, tarazy basyn teńestirip ketti. Ol 86-mınýtta taǵy bir márte kózge túsip, óz quramasyna jeńis syılady.
Osylaısha Anglııa quramasy qarsylasynan 1:0 esebimen basym túsip, 1/8 fınalǵa joldamaǵa ıe boldy
Anglııalyq fýtbolshylar L tobynda synǵa túsip, jeti upaımen birinshi orynǵa kóterildi. Horvatııany 4:2, Panamany 2:0 esebimen jeńip, Ganamen 0:0 esebine qanaǵat bildirdi.
Afrıkalyq fýtbolshylar K tobynda úshinshi orynǵa taban tiredi. Olar Kolýmbııaǵa 0:1 esebimen ese jiberip, Portýgalııamen 1:1 esebimen teń tússe, Ózbekstannan 3:1 esebimen basym tústi.
Aıta ketsek, budan buryn Meksıka fýtboldan álem chempıonaty 1/8 fınalyna shyqty.
