Garrı Kasparov Horvatııa azamattyǵyn aldy
ASTANA. QazAqparat - Horvatııa bıligi reseılik shahmatshy jáne oppozıtsıoner Garrı Kasparovqa el azamattyǵyn usyndy, dep habarlady horvattyq ІІM.
Vedomstvo málimdemesinde bul sheshim Horvatııa múddesine saı jasalǵandyǵy aıtylǵan. 50 jastaǵy Kasparov osy eldegi Opatııa kýrorttyq qalasynda shahmattyq akademııany ashýdy josparlap otyr, dep jazady Rosbalt. Budan buryn shahmattan álem chempıony Garrı Kasparov Latvııa azamattyǵyn suraǵan edi. Reseılik oppozıtsııa ókili, shahmattan álem chempıony Garrı Kasparov erekshe eńbegi úshin azamattyq alý ótinishimen Latvııa Seımine (Parlament) jolyqty. Sheteldik BAQ-tyń málimetinshe, sonymen qatar Kasparov reseılik azamattyqty saqtap qalǵysy keletinin alǵa tartýda. Bıylǵy maýsymda Jenevada saıası qaıratker Garrı Kasparov reseılik bılik tarapynyń qýǵynynan qorqyp, eline oralýdan bas tartyp otyrǵandyǵyn málimdegen bolatyn.
