Garrı hanzada óziniń súıiktisimen birge Qazaqstanǵa romantıkalyq saıahat jasamaq
ASTANA. QazAqparat - 29 jasar Ulybrıtanııa hanzadasy Garrı óziniń súıiktisi Kressıda Bonaspen birge Qazaqstanǵa romantıkalyq saıahat jasamaq. Bul týraly Mirror basylymy habarlady.
Hanzada ádettegi shveıtsarııalyq taý shatqaldarynyń ornyna Qazaqstannyń kýrortty aımaqtaryna kelýdi sheshken. Basylymnyń jazýynsha, koroldiń januıasynda Shveıtsarııanyń Klosters taý shańǵysy kýrortynda demalý 30 jyldan bergi dástúrge aınalǵan. Alaıda Garrı óziniń minezine tán qylyqpen ol dástúrge moıynsunbaı, erekshelengisi kelgen bolsa kerek.
Jas juptyń dostary osy demalystarda Qazaqstan jerinde Garrı óziniń 25 jastaǵy súıiktisiniń qolyn suraıdy dep úmittenedi. Sebebi olardyń mahabbaty kún ótken saıyn kúsheıýde. Batys elderiniń biraz bóligi Qazaqstandy Sasha Baron Koenniń "Borat" fılmi arqyly tanydy. Brıtandyq basylymdardyń jazýynsha, Qazaqstan bolashaqta Eýropanyń eń basty kýrorttyq oryndaryna aınalady. Almaty mańyndaǵy taý shatqaldarynda 7 shańǵy kýrortyn ashý kózdelýde.
