Garrı hanzada astanalyq ıtpen tanysty
ASTANA. QazAqparat - Ulybrıtanııa patshaıymy Elızabet II nemeresi, Ýelstik Genrı (Garrı) hanzada brıtandyq dıplomattar Astanadaǵy janýarlar úıinen asyrap alǵan ıtpen tanysty, dep habarlaıdy QazAqparat tilshisi.
«Mine, birneshe jyl buryn brıtandyq dıplomattar januıasy asyrap alǵan Nellıdiń qazirgi ómiri osyndaı. Astanada erli-zaıyptynyń ıti kóz jumyp, ornyna janýarlar úıinen osy kúshikti asyrap alǵan. Qazir Nellı tropıkalyq Gýıanada turady jáne Ulybrıtanııa hanzadasy Garrımen tanysady!», - dep habarlandy janýarlardy qorǵaý boıynsha astanalyq eriktiler qozǵalysynyń resmı Instagram paraqshasynda.
Ulybrıtanııa elshiliginiń habarlaýynsha, ıesiz ıtti Qazaqstandaǵy Ulybrıtanııa elshisiniń sol kezdegi orynbasary Greg Kýınniń otbasy asyrap alǵan. Keıinirek Greg jumys ornyn aýystyrdy jáne januıasymen ózge elge kóship ketti.
Greg Kýınn óziniń Facebook paraqshasynda ıttiń Astanadan ketkenine uzaq ýaqyt bolsa da, júregi qazaq bolyp qalǵanyna senimdi.
