«Garnızon arýy - 2015» baıqaýynyń jeńimpazy anyqtaldy
ASTANA. QazAqparat - Almaty oblysyndaǵy Saryózek garnızonynyń áskerı bólimderi men mekemelerinde Halyqaralyq áıelder kúnin merekeleý qarsańynda áskerı qyzmetshi qyz-kelinshekter arasynda «Garnızon arýy - 2015» sulýlyq baıqaýy ótti, dep habarlady QR Qorǵanys mınıstrliginiń baspasóz qyzmetinen.
Garnızonnyń eń sulý áskerı qyzmetshisi ataǵyna laıyqty bolý úshin ár qatysýshy óziniń barlyq bilimi men túrli saladaǵy sheberlikterin, sondaı-aq án aıtýda, bıleýde, kıim men shash úlgilerin jasaýdaǵy shyǵarmashylyq múmkindikterin kórsetýi qajet boldy.
Árbir tilek bildirýshiniń ózine unaǵan qatysýshyǵa ashyq daýys berýi uıymdastyryldy. Nátıjesinde eń kóp daýys jınaǵan 29108 áskerı bóliminiń áskerı qyzmetshisi Shynar Qyzbaeva «Garnızon arýy - 2015» baıqaýynyń jeńimpazy atandy.
«Men úshin garnızonnyń arýy ataǵy maqtan tutarlyq jaıt. Osyndaı baıqaýlardy jıi ótkizý kerek dep oılaımyn. Ol qazaqstandyq armııada laıyqty qyzmet atqaryp júrgen aıaýly da, ásem qyz-kelinshekterimizdi jaqsy jaǵynan kórsetedi» - deıdi ol.
