Ǵaryshty baǵyndyratyn tuńǵysh qazaq áıeli kim

ASTANA. KAZINFORM — Qazaqstandyq Danna Karaǵusova Blue Origin kompanııasynyń NS-36 zertteý mıssııasy quramynda ǵaryshqa attanady 

Blue Origin kompanııasynyń zertteý mıssııasy ǵaryshqa 8 qazanda attanbaq. Osylaısha Danna Karaǵusova tarıhta Qazaqstannan shyqqan alǵashqy ǵarysh týrısti atanady. Sonymen birge Qazaqstan atynan ǵaryshty baǵyndyrǵan tuńǵysh áıel bolmaq.

Danna Qaraǵusova buǵan deıin ıvent jáne dıstrıbýtsııa salasynda 25 jyldan astam eńbek etken. Ol medıa jáne ıvent-holdıng — First Media Group-tyń negizin qalaýshylardyń biri.

— Qazir ol ózin-ózi retteý salasyndaǵy halyqaralyq IT-jobaǵa atsalysyp jatyr. Ǵarysh sapary osy zertteý qyzmetiniń bir bóligi bolmaq. Ǵaryshta ol óz komandasy ázirlep jatqan tehnologııalardy jeke tájirıbesinde synap kóredi, — dep jazylǵan First Media Group-tyń málimetinde.

Danna Qaraǵusovanyń ózi bul sapar kópten bergi armanyn oryndaý jolyndaǵy bir baspaldaq ekenin aıtady.

— Adamzattyń bolashaǵy ǵaryshpen baılanysty. Biz jańa kókjıekterdi ıgere otyryp tehnologııalardy damytamyz jáne óz múmkindikterimizdi keńeıtemiz. Men úshin bul sapary jyldar boıy eńbektengen armanymnyń bir bóligi ári zertteý jobasynyń mańyzdy kezeńi, — deıdi Danna Karaǵusova. 

Buǵan deıin Qazaqstanda alǵash ret áıelder ekıpajy ǵaryshqa ushatyny aıtylǵan edi.