Ǵaryshtan tótenshe jaǵdaılardy boljaýǵa deıin: Qazaqstan men Qytaı yntymaqtastyǵy keńeıip keledi
ASTANA. KAZINFORM – «Qazaqstan Ǵarysh Sapary» UK» AQ ınjenerleri Qytaıda halyqaralyq bilim berý baǵdarlamasynan ótip, klımat monıtorıngi men tótenshe jaǵdaılardyń aldyn alýdyń spýtnıktik tehnologııalaryn meńgerdi, dep habarlaıdy QR Jasandy ıntellekt jáne tsıfrlyq damý mınıstrliginiń baspasóz qyzmeti.
Ǵarysh júıeleri departamentiniń ınjenerleri Dmıtrıı Chýmachenko men Gúlnar Bısenalına basqa elderdiń ókilderimen birge arnaıy oqýdan ótti. Baǵdarlama barysynda qazaqstandyq mamandar klımattyń ózgerýin monıtorıngteý, tótenshe jaǵdaılardyń aldyn alý, spýtnıktik derekter men meteorologııalyq tehnologııalardy qoldaný baǵyttaryn úırendi.
Oqytý barysynda olar Qytaıdyń FengYun serııaly meteorologııalyq spýtnıkterin jáne MAZU zııatkerlik erte eskertý júıesin qoldaný tájirıbesimen tanysty. Oqý baǵdarlamasyna dárister, praktıkalyq sabaqtar, tehnıkalyq sessııalar jáne beıindi uıymdarǵa óndiristik saparlar kirdi.
Qatysýshylardyń aıtýynsha, baǵdarlamanyń basty nátıjesi jańa tehnologııalardy is júzinde qoldaný joldaryn túsiný boldy. Spýtnıktik monıtorıng tabıǵı resýrstar men aýyl sharýashylyǵy jerlerin baqylaýda, qaýipti qubylystardy boljaýda mańyzdy ról atqarady.
Aýmaǵy keń Qazaqstan úshin Jerdi qashyqtan zondtaý derekterimen jumys isteıtin sarapshylardy daıarlaý strategııalyq mánge ıe. Bul tek jerústi ınfraqurylymyna táýeldi bolmaı, aýqymdy aımaqtar boıynsha jedel derekter alýǵa múmkindik beredi.
Bul yntymaqtastyq 2026 jylǵy shildede Memleket basshysynyń Qytaı Halyq Respýblıkasyna jasaǵan sapary aıasynda júzege asyp jatyr. Kelissózder qorytyndysy boıynsha taraptar ǵarysh tehnologııalary, tsıfrlandyrý, jasandy ıntellekt jáne ekologııalyq monıtorıng baǵyttarynda birlesken jumysty kúsheıtýge ýaǵdalasady.
Qazaqstan ǵalymdary qazaq tilinde mátin, sýret jáne aýdıony túsinetin JI modelin ázirledi.
Sondaı-aq elimizde gýmanoıd robottar jasaýǵa arnalǵan jańa tehnologııalyq joba iske qosylady.
