Ǵaryshtan anyq kórinetin eń iri aısbergterdiń biri A-23A-nyń túsi nege ózgerdi
ASTANA. KAZINFORM — Ǵaryshtan kórinetin álemdegi eń iri aısbergterdiń biri A-23A ashyq kók túske endi. Bul tús aısbergtiń jaqyn arada, ıaǵnı birneshe kúde nemese apta ishinde ydyraýy múmkin ekenin kórsetedi, dep jazdy nemis basylymy DW.
NASA astronavty ótken jyldyń 27 jeltoqsanynda Halyqaralyq ǵarysh stansasynan osy sýretti túsirip alǵan. Salystyratyn bolsaq, 2023 jylǵy qarashada túsirilgen fotoda aısberg tolyǵymen aq tústi ekeni kórinedi.
A-23A aısbergi 1986 jyly Antarktıdadaǵy Fılhner shelftik muzdyǵynan bólingen. Sol kezde onyń aýdany shamamen 4000 km², ıaǵnı Nıý-Iorkten úsh ese, al Londonnan eki ese úlken bolǵan. 37 jyldan keıin aısberg dreıf jasaýǵa kiristi. Qazirgi ýaqytta onyń aýdany 1182 km²-ge qysqardy.
A-23A-nyń sońǵy fotosýretteri ǵalymdardy shyndap alańdatyp otyr. Ashyq kók beti, ıaǵnı muzdyń ústindegi kók tús erigen sý kólshikterin bildiredi. Bul aısbergtiń jyly aýdandarǵa jyljýy kezinde ydyrap jatqanyn, ásirese Ońtústik jarty sharda qazir jaz mezgili ekenin kórsetedi.
Eske sala ketsek, Antarktıdadaǵy Hektorııa muzdyǵy eki aıda 8 shaqyrym artqa shegingenin jazǵan edik.
Al Antarktıda sýlaryn alǵash júzip ótken qazaq qyzy týraly myna jerden oqı alasyz.