Ǵaryshtaǵy Qytaı Jańa jyly: taıkonavttar tort pisirdi
ASTANA. KAZINFORM — Qytaıda mıllıondaǵan otbasy merekelik dastarhan basyna jınalyp jatqanda, úsh taıkonavt Jerden 400 shaqyrym bıiktikte kóktem merekesin toılap jatyr, dep habarlaıdy Sınhýa.
«Shenchjoý-21» ǵarysh kemesiniń ekıpaj músheleri orbıtada Qytaıdyń Jańa jylyn toılap jatyr. Mereke qarsańynda taıkonavttar Qytaıdyń ǵarysh agenttigi taratqan beıne habarlamany jazdy.
— Men barlyǵyna amandyq pen beıbitshilik tileımin, — dedi ekıpaj komandıri Chjan Lý.
Bul Chjan Lýdyń ǵaryshtaǵy ekinshi jańa jyly. Ol buǵan deıin 2022 jyldyń qarashasynda ushyrylǵan Shenchjoý-15 mıssııasyna qatysyp, alty aı orbıtada bolǵan.
Stantsııa qyzyl shamdarmen, dástúrli qytaı buıymdarymen jáne qaǵazdan qıylǵan sýrettermen bezendirilgen. Merekelik as mázirinde tushpara men ulttyq dámdi taǵamdar boldy. Sondaı-aq bıyl erekshe dám usynyldy: ekıpaj músheleri ǵaryshta alǵash ret tort pisirdi.
Ǵaryshta 100 kúnnen astam ýaqyttan beri júrgen taıkonavttardyń mıssııasy 2025 jyldyń 31 qazanynda bastalǵan.
Agenttiktiń habarlaýynsha, ǵylymı eksperımentterden bastap tehnıkalyq qyzmet kórsetý men medıtsınalyq baqylaýǵa deıingi barlyq operatsııalar josparly túrde júrip jatyr.
Buǵan deıin NASA astronavttarǵa ǵaryshqa smartfon alyp ushýǵa ruqsat bergeni týraly jazdyq.