Ǵaryshta uzaq ýaqyt qalyp qoıǵan taıkonavtar Jerge oraldy
ASTANA. KAZINFORM — «Shenchjoý-20» kemesiniń úsh múshesi — Chen Dýn, Chen Chjýnjýı jáne Van Tsze — «Shenchjoý-21» kemesiniń qaıtarý kapsýlasynan aman-esen shyqty, dep habarlaıdy Sınhýa agenttigi.
Qytaılyq ǵaryshkerler (takonavtar) orbıtada 204 kún ótkizgen. QHR Pılotpen basqarylatyn ǵarysh baǵdarlamasy basqarmasynyń (CMSA) málimetinshe, olardyń densaýlyǵy jaqsy.
Juma kúni Beıjiń ýaqytymen 17:21-de kapsýla Jerge qonǵannan keıin odan birinshi bolyp ekıpaj komandıri Chen Dýn shyqty. Ol orbıtadadaǵy ýaqyty 400 kúnnen asqan tuńǵysh qytaılyq ǵaryshker atandy.
Eske sala ketsek, Qytaı zaqymdalǵan ǵarysh kemesiniń ekıpajyn Jerge qaıtarýǵa daıyndalyp jatqanyn jazǵanbyz.
Sondaı-aq «Shenchjoý-20» taıkonavttary ǵaryshta 200 kúnnen astam ýaqyt ótkizgenin habarladyq.
Ǵaryshta qalyp qoıǵan qytaılyq taıkonavttar Jerge qashan oralatynyn da jazdyq.
