Ǵaryshqa 10 myńnan astam Starlink spýtnıkteri shyǵarylǵan

ASTANA. KAZINFORM — SpaceX kompanııasy eki saǵat ishinde tómen orbıtaly Starlink spýtnıkteriniń tobyn eki ret sátti ushyrdy, dep habarlaıdy Kazinform agenttiginiń tilshisi.

Birinshi ushyrylym 2025 jylǵy 19 qazanda UTC ýaqyty boıynsha saǵat 17:39-da AQSh-tyń Florıda shtatyndaǵy Kanaveral múıisinen júzege asty, al ekinshi ushyrylym sol kúni saǵat 19:24-te Kalıfornııa shtatyndaǵy Vandenberg ǵarysh aılaǵynan ótti. Nátıjesinde Jerdiń tómengi orbıtasyna 56 spýtnık jiberildi.

Statıstıkaǵa sáıkes, 2019 jyldan 2025 jylǵa deıingi kezeńde Starlink spýtnıkterin ornalastyrý barysynda ushyrylǵan spýtnıkterdiń sany 10 myńnan asty. Qazirgi ýaqytta 2018 jyly Jer orbıtasyna shyǵarylǵan eki prototıpti qosa alǵanda, barlyǵy 10 044 ǵarysh apparaty ushyryldy.

Osy sannan 8 680 spýtnık orbıtada ornalasqan, onyń ishinde 7 455-i óz maqsatyna saı paıdalanylǵan. Qalǵandary tobyna qosý nemese tizimnen shyǵarý, qyzmet kórsetý, rezervte bolý nemese isten shyǵý kezeńinde ekeni naqtylandy.

Jerdiń tyǵyz atmosfera qabattarynda órtenip ketken 1 364 Starlink apparaty orbıtadan shyǵarylǵan.

Belgili bolǵandaı, 2025 jyldyń 13 tamyzynan bastap Qazaqstanda Starlink ınterneti resmı túrde qoljetimdi boldy.

Aıta keteıik, 13 tamyzdan bastap Starlink kompanııasy Qazaqstan aýmaǵynda resmı túrde spýtnıktik ınternet qyzmetin usyna bastady.