Ǵarysh salasy túrki memleketteriniń básekege qabiletin arttyrady – Prezıdent
ASTANA.KAZINFORM – TMU elderinde ǵarysh salasyn júıeli damytýda ǵylymı-tehnologııalyq áleýeti jetkilikti. Bul týraly búgin Túrki memleketteri uıymynyń beıresmı sammıtinde Prezıdent Qasym-Jomart Toqaev málim etti.
- Ǵarysh salasy - túrki memleketteriniń básekege qabiletin arttyrýǵa yqpal etetin negizgi faktordyń biri. Bul baǵytty júıeli túrde damytý úshin elderimizdiń ǵylymı-tehnologııalyq jáne qarjylyq áleýeti jetkilikti. Ásirese, spýtnık baılanysy, navıgatsııa jáne monıtorıng salasynda birlesken jobalardy júzege asyryp, yqpaldastyǵymyzdy keńeıte túsý qajet. Sol arqyly tehnologııalyq derbestigimizdi nyǵaıtyp, ınnovatsııalyq áleýetimizdi arttyrýǵa múmkindik týady, - dedi Qasym-Jomart Toqaev.
Osy oraıda Prezıdent CubeSat-12U ǵylymı spýtnıkti iske qosýdyń mańyzdylyǵyn atap ótti.
Budan buryn habarlanǵandaı, búgin Túrkistan qalasynda Prezıdent Qasym-Jomart Toqaevtyń qatysýymen Túrki memleketteri uıymynyń beıresmı sammıti bastaldy. Sammıtke TMU-ǵa múshe memleketterdiń basshylary - Túrkııa prezıdenti Rejep Taııp Erdoǵan, Ózbekstan prezıdenti Shavkat Mırzıeev pen Qyrǵyzstan prezıdenti Sadyr Japarov, Ázerbaıjan prezıdenti Ilham Álıev keldi.
Jasandy ıntellekt jáne tsıfrlyq damý» taqyrybyna arnalǵan jıyn Qazaqstannyń tóraǵalyǵymen uıymdastyrylyp otyr.
